中村俊輔馬納當拿上身 帶水手剷平柏雷素爾

猪拉多纳

11/03/2012
文： 走肖

日職「奇迹冠軍」柏雷素爾今日喺開咧戰主場對橫濱水手，讓波捧唔過，因為柏雷素爾要應付日超盃同亞冠盃，呢場備戰工作唔慌多得去邊，相反水手有充足時間夾熟，隊長中村俊輔更加話要「馬納當拿」上身，孭起贏波責任，難得佢醒番，水手「讓球客勝」好路。（now633台周日下午1:00直播）

柏主場擴建後首戰

為迎接新球季，柏雷素爾主場專登擴充多3,000個座位吸客，由於日超盃贏FC東京喺國立競技場上演，亞冠盃輸畀武里南聯係作客，所以呢場係柏雷素爾主場擴建後首場比賽，當然唔想失威。但世事邊有咁完美，唔通柏雷素爾又想好似亞冠盃首戰輸畀泰國球隊咁肉酸？希望愈大隨時失望愈大呀！


對家水手搵咗新教練樋口靖洋帶隊，同時放棄射手渡邊千真，取而代之係新簽嘅35歲射手馬昆奴斯，同埋回收嘅20歲前鋒齋藤學。不過講到孭飛，當然係上季開始做隊長嘅中村俊輔，佢話要好似馬納當拿咁孭起球隊贏波責任，為水手奪得亞冠盃入場券，難得佢職業生涯尾聲仲肯搏，畀面日本國寶要捧水手。