士砵亭贏完曼城寸得起

猪拉多纳

11/03/2012
文： Mic少

Mic少雖然外表斯文，但查實熱愛運動，最近就同一班《東方波經》名家，組隊踢衞生波，首年參加比賽就勇奪殿軍。落得場當然要整件靚波衫，我就為件黑色皇馬球衣背後熨上Mourinho名字。

主場可贏甘馬雷斯

「銀河艦隊」雖球星如雲，但莫連奴始終最突出，我就最鍾意佢寸得起。係人都可以寸，但你能力曳、冇料扮四條，態度仲要寸，只會更乞人憎；相反如果堅勁，態度不妨囂張一點，因冇人奈得你何。寸王霸氣傾天下，可謂未落場先贏勢。個個都恭恭敬敬，世界就太悶了；但如果寸唔起，安分守己好了，唔好攞嚟出醜。葡超士砵亭（圖）剛贏曼城寸得起，主場可贏甘馬雷斯。（周一凌晨4時15分開賽）