韋根客勝做回歸見面禮

猪拉多纳

11/03/2012
文： 邪童飛

久別東方波經，邪童飛近期又有機會回歸，客串一段短時間，除承蒙波經兄弟畀面外，亦係對東方有深厚感情，一經邀請，雖未至於飯應，但肯定唔會托手(月爭)。


記得最初為東方波寫稿時，香港賽馬會都未成為官方受注機構，十年間，足球菠菜玩法大增，無論馬會或外圍，都由最初主客和、讓球盤，發展到波膽、讓球主客和以至現時最流行嘅即場投X。此無非市場定律作主導，邊度有龐大市場資金，就有人諗橋搵錢，而且向專業高尖化發展，以前聽電話、寫紙仔嘅投X方法，Come on！近幾年已經被完全淘汰，個個都上網啦！

諾域治已經夠分

老實講，受市場變化影響，邪童飛近年亦曾進入投X迷惘期，如何迷途知返以後繼續講。今日回歸見面禮畀韋根，作客面對已經夠分嘅諾域治唔搏殺等幾時？嫌讓球勝熱，玩少少客Ｗ亦唔錯。（有線202及302台周一凌晨零時直播）