國米一沉不起 冇本事割「禾」

猪拉多纳

09/03/2012
文： 朱楓

國際米蘭近期似足車路士，狀態沉到爆兼盛傳將換帥，今晚喺意甲作客近況回勇嘅基爾禾，朱楓睇好基爾禾可以追打落水狗，捧1.45倍「讓球主勝」！（now633及660台周六凌晨3:45直播）


基爾禾愈踢愈好


唔講唔知，原來國米連盃賽已經9場不勝，最恐怖係仲有7場食白果，上仗主場僅和卡坦尼亞後，中場甘比亞素更被球迷噓到喊，難怪國米會長莫拉堤近日先後同現任法國領隊白蘭斯，同前車路士領隊保亞斯會面，密謀盡快踢走雲尼亞里，可惜家陣十畫未有一撇，今晚仲有後備殺手卡斯泰亞奴斯停賽，試問仲點反彈？




唔同國米，「飛驢」基爾禾近期愈踢愈好，連贏熱拿亞同切塞納後，上場作客仲逼和爭標分子祖雲達斯，表現極之對辦，今晚只要發揮水準，真係隨時贏埋國米都仲得！