美職冇料到拿根亞反轉西雅圖

猪拉多纳

07/03/2012
文： 自由恒

自由盃加亞冠盃仲未夠？足智彩本周仲開埋中北美洲冠軍盃，4場8強戰一場不漏，連周五朝場薩爾瓦多球會挑戰墨西哥班霸都開埋，唔知幾時連分組賽都開埋呢？




畢竟足智彩開中冠盃都係新手，都係跟番大圍開盤，賠率冇乜玄機，相信大家都係會撐番美職名牌，話晒熟口熟面，但查實美國球會喺歷屆表現遠不及墨西哥，歷來48屆墨西哥就贏咗27次，美國球會就只曾兩次封王，所以聽朝有場西雅圖海灣者主場對拿根亞嘅「美墨大戰」，當然係捧客軍啦。


墨西哥球隊壟斷中冠盃


由於美職仲未開鑼，西雅圖海灣者為咗聽朝場波，日前仲專登約戰墨西哥嘅查古里斯，雖然最終贏2:0，但畢竟熱身賽參考性有限，睇番之前嘅分組賽，西雅圖就曾經輸過畀另一墨西哥球隊蒙特雷，今季仲缺少埋已掛靴嘅門神基拿，點都要打折扣。




對家拿根亞所屬嘅墨超聯賽已經開鑼兩個幾月，夾埋踢咗7周賽事，狀態點都比西雅圖好，睇番佢哋分組賽成績，就曾經兩勝美職嘅科羅拉多急流，再一次引證墨西哥球會係超幾班，2.6倍客W要捧場。（開賽時間：周四早上11:00）




足球重心：拿根亞（客勝）




馬膽推介：3場7 幸福滿滿

上仗閘前曾經走甩，出閘又唔順利，轉彎又走蝕位，竟然都可以後上追番個第3，演繹出超高難度動作，今仗由冷變熱都要捧場。

中北美洲冠軍盃賽制

採主客兩回合淘汰制，今輪為8強首回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。