史巴列堤守藝終極考驗

猪拉多纳

06/03/2012
文： Wendy

呢兩日球壇最大新聞，唔使審梗係保亞斯畀車路士炒魷、由「副練」迪馬堤奧暫時上任啦。好領隊喺大球會未必能「收」到班大球星，反而教啲歐洲二、三線隊伍仲易攞到不俗成績，好似辛尼特嘅意大利教頭史巴列堤咁，擅於打穩守突擊，班球員同佢都幾夾，呢兩季由佢領導下亦有好成績。


辛軍陣容復整


俄超剛剛戰火重燃，辛尼特上周六作客死敵莫斯科中央陸軍打和二比二，都算唔錯喇！今晚辛尼特作客賓菲加呢場歐聯十六強次回合，有首循環領先三比二優勢在手，我睇好辛尼特晉級，好消息係正選門將馬拉費夫同後衞基斯薛圖已經傷愈可以復出，防線就更穩固。




賓菲加近四場比賽一和三負，上周聯賽更主場輸畀宿敵波圖，由榜首跌落第二，氣勢正在下滑緊。




小妹當然明白今場佢哋只要小勝一比○就可以出線，但我就覺得賓菲加態沉真係未必入到波，不如小注玩吓細盤，再買個有2.02倍嘅辛尼特晉級。


球彩全女打


熱愛舞蹈的Wendy，04年歐國盃Euro Babe變身成有線球彩台節目主持，當初對足球猶如混沌初開，依家已滾瓜爛熟，最愛暢談波經。




phone波熱線：1831 678

電郵：soccer64@cabletv.com.hk

「球盤龍門陣」開放時間：晚上10:30至11:45