黑仔伊巴謙喪攻洩憤 AC訪巴勒莫「大」有睇頭

猪拉多纳

03/03/2012
文： 走肖

巴勒莫今晚喺意甲主場對AC米蘭，玩入球大最實際。雖然「紅黑兵團」「黑霸」伊巴謙莫域坐滿3場波監可以復出，但佢日前為瑞典備戰熱身賽，又再出事累隊友重傷，依家佢谷埋成肚火，梗係要入波幫手開1.78倍入球大至順番條氣啦！（now633台周日凌晨1:00直播）


兩軍6次對賽5鋪開大


伊巴謙莫域喺意甲停賽3場，原本已經勁唔高興，點知日前瑞典對克羅地亞，佢喺練習賽間接導致隊友馬斯杜奴域整傷左膝韌帶，好可能要休息半年錯過歐國盃決賽周。要知道伊巴謙莫域向來要面，呢排黑到出汁，佢肯定會諗辦法塞住批評佢嘅人把口，入波應該係最實際方法。




睇番往績，AC近6次對巴勒莫有5次開大，而且「紅黑軍」中堅麥薩斯因為用陰招打人被秋後算帳，被罰停賽3場，尼斯達、邦利拿同耶比斯又未完全康復，據講AC得番堤亞高施華1個正宗中堅可以用，即使尼斯達有機會頂硬上落場，都好難頂得住撻番着嘅巴勒莫鋒線，玩入球大最穩陣。