曼城保頓演入球騷

猪拉多纳

03/03/2012
文： 車車

上輪英超曼城對布力般流浪，令我印象深刻。曼城踢得精彩唔使多講，最驚喜係巴洛迪利入波後嘅示愛舉動，真係浪漫！平時覺得佢古古怪怪，但估唔到氹女友都有啲計。曼城今晚主場對保頓，唔知呢位哥仔若果再有「士哥」，會唔會當眾示愛多一次呢？但畢竟賽程咁密，曼城班球員密密踢唔攰就假，所以先博半場和，然後全場入球大兼曼城贏波！




（有線300及200台周六晚11時直播）




曼城今季聯賽表現穩定，主場保持十三場全勝，係英超各隊中最佳。相反保頓近況差，作客成績亦唔好，都算係降班熱門之一。雖然雙方近十次對賽，只開過三次入球大，而呢場波入球大細中位數係3.5球！唔緊要，我一樣照撐入球大！


宮市亮足總盃有驚喜


點解？一來保頓要護級，曼城要爭冠軍！二來保頓新寵宮市亮年輕有為，喺足總盃有令人驚喜演出。上場佢有份出戰對車路士，雖然球隊輸波，但應該影響唔到佢正選位置。三係儘管曼城下周中要踢歐霸盃對士砵亭，但個個球員都好似開着TURBO咁，其中就以阿古路同大衞施華最突出，佢兩個除咗喺聯賽表現搶鏡，周中為國家隊踢熱身賽一樣冇揸流攤！




阿古路已連續三仗有「士哥」，周中熱身賽阿根廷對瑞士，佢差啲有入波，可惜畀對方門將救到！大衞施華喺歐霸表現出色之餘，周中西班牙對委內瑞拉，佢又入波又助攻，加埋精確嘅走位，都令人印象深刻，曼城中場前球員咁弗，要入波唔成問題。




有線球彩台主持：車車

電郵：soccer64@cabletv.com.hk

PHONE波熱線：1831 678

「超級星期六」開放時間：晚上10:00至深夜3:30