法軍主帥白蘭斯認低威

猪拉多纳

29/02/2012


雖屬足球傳統強國，但法國領隊白蘭斯有自知之明，坦言「法蘭西兵團」現階段並非德國對手。雖已保持十七場國際賽不敗，但白帥強調法國仍在重建中，並重提國家隊上次於大賽獲勝，已經係06年嘅事，務求替球隊減壓。




於鬥德國前，白蘭斯認晒低威：「以目前法國隊實力同經驗，根本唔可以同德國、西班牙相提並論，連荷蘭亦遠勝法國。雖然我哋不乏球星，但佢哋於國家隊表現，經常都不及喺球會咁sharp醒。」


重召沙夏替賓施馬


現時法國兩大鋒將賓施馬同雷米都受傷，白帥召入熱刺借將沙夏，對該位三十三歲老將嚟講好有意義。自06年後，沙夏僅為國家隊上陣十分鐘，但近期於熱刺頻頻入波，終再有入選機會：「我從來冇放棄爭取入選。今場我會發揮豐富經驗，說服領隊未來繼續用我。」