車士打菲特細盤請飲查

猪拉多纳

28/02/2012
文： 蘇豪

英甲周中開快車，包尾大幡車士打菲特主場對一哥查爾頓，榜尾對榜首向來多變數，車士打菲特最近主場踢到曉飛，查爾頓作客讓波牙煙，兩隊近期頻頻開「細」，一於捧細盤！


（周三凌晨3時45分開賽）


查爾頓於聯賽累積72分，升班機會極高！車士打菲特只得27分，隨時搞到降班，今場天與地對決，查爾頓實力同級數一定較高，不過車士打菲特近期戰績冒升，於主場連贏三場，對手包括前列球隊錫周三，反映球隊並非一無是處。


查爾頓聯賽十六場作客贏十一次，勝率甚高，但作客讓波始終唔抵玩，考慮到大軍近十場聯賽九次開「細」，不如簡簡單單玩細盤啦！

史提芬納治守「細」波

同日排第七位嘅史提芬納治主場對第四位哈特斯菲爾德，史提芬納治近五戰都開「細」，其中三場冇失波，另有三場冇入波，大軍守強攻弱，今次於快車期決戰哈特斯菲爾德，雙方球員體力同樣備受考驗，預期今仗冇乜交收，入球細值得一試。

英甲推介

車士打菲特 細

羅奇代爾 細

史提芬納治 細