尹佩斯爭氣搶做倫敦大哥

猪拉多纳

26/02/2012
文： Wendy

英超北倫敦打吡阿仙奴主場對熱刺，兵工廠近況有幾差無謂再提，但一眾槍手已磨拳擦掌，望於今晚對熱刺嘅大戰打爭氣波，因為就算做唔到英超一哥，都想做吓倫敦一哥。熱刺今季大勇，當然想乘勢打沉死敵，總之呢場比賽新仇舊恨乜都齊，咁激嘅比賽點可以唔買入球大！




一向有啲情緒化嘅我，睇波當然都好激情！記得今季愛隊曼聯歐聯出局時，我失言喺社交網絡講歐霸配唔起紅魔！事後相當後悔，確實要為當時失言道歉，請大家原諒我呢個小女人吧！其實就同另一半嘈交時，叫佢去死一樣，只屬一時之氣。




今屆歐霸水準特別高，如今嘅曼聯都未必夠班爭。其實鍾意一隊波同鍾意一個人一樣，唔可以愛到不能自拔，況且足球永遠唔會有長勝將軍，做die hard球迷也需要一顆平常心。




講咁多，其實都係想安慰一眾阿仙奴球迷，自九五年以嚟，阿仙奴都未試過有一季排名低過熱刺，如今被熱刺拋離十分，尹佩斯表明要喺餘下十三輪聯賽盡力追，不甘被熱刺騎住！梗係啦，攞唔到英超冠軍，都想做吓倫敦大佬。


艾迪巴約「柴台膽」


除尹佩斯外，倒戈嘅艾迪巴約今晚實不斷被捕捉近鏡，佢之前代表曼城入過阿仙奴波，過激慶祝觸怒「廠迷」。如無意外今晚佢有正選，一掂波肯定被主場球迷開爆汽水！兩隊積怨咁深，球員落場一定搏命。阿仙奴上齊子彈等開炮，熱刺亦磨利尖刺想殺人，大家等睇好戲啦！最後一句，球隊成績如股票有升有跌，咪咁執着呀！




Wendy推介：阿仙奴 Vs 熱刺 入球大

球彩全女打

熱愛舞蹈的Wendy，04年歐國盃Euro Babe變身成有線球彩台節目主持，當初對足球猶如混沌初開，依家已滾瓜爛熟，最愛暢談波經。

phone波熱線：1831 678

電郵：soccer64@cabletv.com.hk

「快樂星期天」開放時間：晚上10:00至深夜2:30

球彩專頁：http://fb.com/icable64