熱拿亞勢弱難贏帕爾馬

猪拉多纳

25/02/2012
文： RIOHARD WEIBING

熱拿亞近年都幾受人重視，主要因為球隊於轉會市場積極。就好似剛過去嘅冬季轉會窗，熱拿亞就引入基拿甸奴、施古利及比安甸尼等中前場球員。不過積極還積極，熱拿亞喺聯賽演出就係唔叻，今輪意甲熱拿亞將於主場鬥帕爾馬，以熱拿亞嘅差劣走勢，今場讓唔起對手，「讓球客勝」值得留意。（now 633周日凌晨1時直播）


傷兵多歐賠睇淡


熱拿亞除連敗三場之外，傷兵名單亦相當之長，當中包括前鋒基拿甸奴。喺人腳不足情況下，熱拿亞只能靠柏拉斯奧一個單箭頭攻堅，侵略性當然不足。留意到歐洲各大菠菜公司賠率，熱拿亞賠率不跌反升，其中Sportbet更將主勝賠率推高到2.24倍。熱拿亞喺飛數上缺乏支持，今場要贏帕爾馬似乎有難度。




帕爾馬已連續兩場聯賽失分，睇落近況都係一般。但留意到對手是羅馬及祖雲達斯，失分可謂情有可原。而本周對手轉為中游球隊熱拿亞，帕爾馬形勢就明顯轉好。今場「螞蟻」基奧雲高可續任正選，對於帕爾馬爭取入球有幫助。