馬拉加老兵主場夠薩

猪拉多纳

25/02/2012
文： 山度士

無論足球培訓或者係高水平聯賽，財力都係成功因素之一。就好似今次主角西甲球隊馬拉加，得到中東財團大力支持，成績明顯有改善。當然，現時馬拉加嘅實力尚未達至世界頂級，想話爭逐聯賽冠軍或者贏取歐洲賽仍需努力。之不過球迷及投資者見到球隊有進步，相信佢哋都深感安慰。老土啲講句，只要球隊喺多方面都獲得肯定及支持，一定可以交到好成績。本周馬拉加將會主場對薩拉戈薩，度士留意到薩拉戈薩近期演出都幾差，就算球隊有決心護級都難令人信任。預計馬拉加可以輕鬆勝出，更有望以兩球或以上差距勝出。（now 632周日凌晨3時直播）


薩拉戈薩繼續沉淪


馬拉加陣中有唔少好球員，比如雲佬、祖亞昆、辛迪卡索拉及巴迪斯達等等，不能否定部分球員已走緊下坡，但豐富嘅作戰經驗對球隊必有裨益。事實上，馬拉加近期喺主場表現都唔錯，先後擊敗西維爾及馬略卡，既然今場對手薩拉戈薩唔係咁強，馬拉加再贏都好正路。榜尾薩拉戈薩長期欠表現，故積分仍未突破二十大關。或因與安全線有一定距離，相信薩拉戈薩對護級進程唔會抱太大期望，鬥志亦未必有想像中咁強。




前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。