狼隊病入膏肓醒紐卡素

猪拉多纳

25/02/2012
文： 張志德

乜嘢叫病入膏肓？睇吓狼隊就知！呢支英超弱旅近五戰輸四場，近十三場就僅贏得一仗，已去到「神仙難救」地步，領隊麥卡菲被炒魷，佢本人同球員都應該有晒心理準備。現時狼隊仲未搵到新帥揸旗，內部立立亂反彈無期，今晚作客紐卡素當然捧主勝！




（有線204及304台周六晚11時直播）




雖然細鬼以前係職業球員，但本地球壇唔太興於季中炒教練，就算球隊成績唔好，大多數都係等球季完結後，球會高層先會做嘢。一來各地文化唔同，二來香港聯賽爭逐始終冇咁激烈。英超係盤大生意，球會老細當然緊張得多，狼隊戰績咁曳，球會依家先將佢落鑊，其實已經畀足面。目前狼隊有冇主帥，其實已經唔太重要，因為呢班波弱勢已呈，就算搵到有料教頭帶隊，都唔係一時三刻可以扭轉局面，睇嚟佢哋仲有排衰。




紐卡素本季戰績令人喜出望外，呢班波勝在夠團結，人腳亦都平均，前鋒「黑雙煞」丹巴巴亞同柏比斯施斯更極具威力。上仗慘吞熱刺五蛋，今場必打爭氣波，主Ｗ好路。




本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。