馬體會追打殘兵拉素

猪拉多纳

23/02/2012
文： 巨高

歐霸盃三十二強次回合賽事，其中一場由西班牙馬德里體育會主場對意大利球隊拉素。首回合拉素喺主場以一比三不敵馬體會，某程度上兩隊勝負已分，但要留意一點，就係馬體會新帥施蒙尼只不過剛剛上任，仍需更多勝利去確立地位，撞啱今場拉素傷患球員極多，馬體會肯定會把握良機贏到盡，「讓球主勝」可留意。（有線64及204台周五凌晨4時05分直播）




最近拉素受到嚴重傷兵問題困擾，德國前鋒高路斯舊患久久未清，今場上陣機會都係五十五十。另外，隊長洛基、布洛治、古斯比比亞華及簡拿都處於休養期，今場都無法上陣。拉素陣容殘缺，近期作客都唔多掂，次回合再輸畀馬體會都好正路。