彭拿路主W「體」高一線

猪拉多纳

21/02/2012
文： 朱楓

南美自由盃分組賽聽朝戰火重燃，彭拿路會喺H組主場迎戰國民體育會。雖然彭拿路首戰輸波，但話晒呢支烏拉圭勁旅假假哋都係上屆亞軍，今戰返番主場相信有力反彈，1.72倍主W可以「體」高一線！（開賽時間：周三早上6:15）




彭拿路首場分組賽以0:1不敵葛度爾古斯，但其實佢哋喺上半場有多次具威脅埋門，最終全失3分只係欠運。事實上，彭拿路貴為上屆自由盃亞軍，大軍除咗有前國米門將卡連尼同埋昔日祖記射手薩拉耶達之外，隊長更係前史浩克04左閘洛迪古斯，再睇埋佢哋由上屆分組賽至今屆外圍賽主場錄得5勝2和1負嘅戰績，今場即使有後衞艾真度干沙利斯停賽，仍足以打開勝利之門。


國民體育會後防主力有傷


來自哥倫比亞嘅國民體育會首戰爆出小冷門，主場以2:0勇挫上屆南美球會盃盟主智利大學，不過今場由主場變成作客，相信好難再交出好成績，始終首戰入波功臣、後防主力祖安大衞華倫西亞賽前報稱受傷，對住自由盃經驗豐富嘅彭拿路，輸波當交學費啦！




賽制：32隊分8組踢雙循環分組賽，每組首、次名躋身16強淘汰賽。註：今日只列有賽事4組。