足總盃乏味玩西甲三串一

猪拉多纳

19/02/2012
文： 黃興桂

周日有英格蘭足總盃舉行，兩支英超強隊同樣對住低組別球隊。其中熱刺作客史提芬納治，另有利物浦主場鬥白禮頓。Peter覺得以「熱紅」兩隊嘅質素，今場贏波機會相當之高。但衰在賠率都熱到辣手，認真係炒埋唔夠一碟嗰隻。故此對賠率有要求嘅朋友，今晚倒不如向西甲方面進發。留意到CF格蘭納達、畢爾包及馬略卡近況唔錯，而且本周都有主場之利，三隊贏有乜出奇，合心水的話不妨整番條三串一。




講完足球，梗係要講吓NBA紅人林書豪。剛啱佢就攞到廿六分，奈何未能協助紐約人贏出比賽。其實大家都知道NBA競爭激烈，好難話場場都係你贏，所以Peter唔會因紐約人輸波而感到好失望，起碼球隊依家有機會爭季後賽資格，相信好多人都會收貨。尤其今個賽季縮短咗，比賽就更加難打。


林書豪放氣有助減壓


Peter覺得依家林書豪同紐約人就好似充滿空氣嘅氣球一樣，當球迷們不斷打氣，氣球就會愈來愈脹，遲早有一日會爆破。喺適當時間畀佢哋放一放氣，某程度上係好事。




仲有一點，處於高峰嘅球隊，每每面對弱隊都會失準。事關弱隊冇心理包袱，球員發揮或者仲好。




下月中紐約人將會步入魔鬼賽程，佢哋會喺一星期之內打五場比賽。屆時對於林書豪或者紐約人都係一大考驗，拭目以待吧！




金句：炒埋唔夠一碟，足總盃賽事……