山度士訪高原難當強者

猪拉多纳

15/02/2012
文： 安高

南美自由盃A組聽朝輪到衞冕冠軍巴西嘅山度士登場，出訪玻利維亞嘅強者。論實力，有尼馬同甘素壓陣嘅山度士肯定佔優，奈何佢哋開操冇耐，去到位處海拔3,660米嘅強者主場，連呼吸都困難，仲點踢好波？平手盤安高撐主隊！（開賽時間：周四清晨5:45）


射手尼馬自認唔弗


同為出線熱門嘅國體會上星期贏咗祖安奧列治2:0，山度士今鋪當然唔衰得，只可惜係一眾正選本月初先放完假歸隊，至今僅為山度士踢咗3場波，就算上輪州聯佢哋喺主場大炒拉連斯4:1，入夠3粒嘅首席球星尼馬都承認狀態未到高峰。再者，山度士今仗防線會有新兵披甲，上周末由聖保羅外借加盟嘅守將祖安馬當度預計會即刻擔正，但咪話安高潑佢哋冷水，防線突然換人，練波都唔多，默契會係一大隱憂。




另邊廂嘅強者，今季雖有前鋒基斯頓雷斯離隊，好彩前線仲有個33歲前巴拉圭國腳施巴斯坦干沙利斯頂住。不過講到底，強者最強殺着始終係佢哋個高原主場，睇番數據，佢哋近6次主場都贏波，對住山度士莊家都開得出平手盤，始終都係睇好「地頭蟲」強者！