山度士高原獻細

猪拉多纳

15/02/2012
文： Mic少

明日清晨繼續上演南美自由盃分組賽，A組上屆冠軍山度士粉墨登場，作客玻利維亞球隊強者。巴西勁旅山度士無論名氣、實力及經驗都喺強者之上，但莊家竟然開平手盤，似乎唔多睇好呢支衞冕球隊，皆因強者主場位處海拔3,640米，高原氣候隨時令客軍喘不過氣來，寧捧入球細。（周四清晨5時45分開賽）


上屆有辦睇


山度士擁有巴西超新星尼馬、上季巴甲神射手波捷斯等多位猛將，亦係上屆自由盃盟主，遇上名不見經傳嘅強者竟然唔使讓波，唔好以為好筍，其實暗藏殺機。首先，巴甲未開鑼，球隊近期只係踢州聯賽，作戰狀態或不足。其次，去到高原比賽，球員好難適應，山度士上屆十六強作客高原嘅CF阿美利加只能互交白卷，就係最好證明，所以切勿高估山度士勝算。




強者雖然寂寂無聞，但佢哋已成立超過一百年，十七次參加自由盃，球隊闊別五屆後難得再次參賽，梗係想做齣好戲。不過礙於對手實力強大，預料強者會以防守行先，力保不敗，高原氣候相助下，山度士未必咬得入強者。




B組方面，阿根廷拉魯斯主場大戰巴西法林明高，阿甲已開鑼，拉魯斯首仗取得大勝，士氣及狀態皆在法林明高之上，主隊讓平半，要上盤。而F組委內瑞拉塔奇拉主場對巴西哥連泰斯，委內瑞拉足球水準近年有好大進步，塔奇拉主場表現亦佳，今場有力同哥連泰斯周旋到底，要入球細。


自由盃推介


強者細




拉魯斯上盤

塔奇拉細