馬賽留肚擦魚腩

猪拉多纳

15/02/2012
文： Combo King

法國足總盃十六強賽事，奪標熱門馬賽主場對非聯賽球隊布爾格。馬賽今季聯賽成績一般，爭標渺茫，所以今季目標將會放晒落盃賽身上，既然有心爭盃，主場點會放過非聯分子，阿King建議以馬賽「讓球主勝」作過關重心之用。（周四凌晨零時開賽）




馬賽現時在法甲排第六，已落後榜首巴黎聖日耳門十二分之多，爭標極有難度，幸好佢哋其他戰線表現出色，法聯盃入決賽，歐聯同法足盃都打入十六強，大可將目標放晒落盃賽身上。論實力，馬賽必然高非聯賽球隊布爾格幾班，而且馬賽上場聯賽因風雪關係改期，球員有更充裕時間備戰今場比賽，尤其係一班有份征戰非國盃嘅主力可以藉此抖一抖，大勝機會自然更高。


迪安盃賽５連大


另一場迪安主場對巴黎聖日耳門，迪安呢班波一向好大得，近八場賽事有七場開大，而且佢哋踢盃賽夠晒進取，之前五場盃賽全數開大，今場都建議捧入球大。至於意甲方面阿King亦有心水，阿特蘭大主場對熱拿亞，客軍傷兵情況頗為嚴重，近期作客演出又差劣，當然捧矢志護級嘅主隊阿特蘭大。