曼城冇態難o趙維拉

猪拉多纳

12/02/2012
文： 阿占

曼市雙雄嘅英超之爭進入白熱化階段，不過曼城近期跌晒Watt，唔知係咪因為爭標壓力爆煲呢？佢哋呢排踢唔番季初嗰種水銀瀉地嘅攻勢，作客表現仲嚴重不穩添，今晚作客踢法硬淨嘅維拉，未必話贏就贏，捧受讓嘅維拉2.25倍「讓球主勝」啦！（有線200及300、廣東體育周一凌晨0:00直播）




曼城由開季12仗有11勝1和，到依家喺歐聯、足總盃同聯賽盃出晒局，呢種突變所帶嚟嘅壓力，相信係曼城走晒樣嘅主要原因！最慘係「藍月亮」近排又傳出球星、教練團唔妥文仙尼嘅消息，將帥不和，又點踢好波先？


近6場作客聯賽僅1勝


講真，即使托尼兄弟踢非國盃缺陣，但以曼城充裕嘅人腳，加上早排又簽埋大衞比沙路，理論上係唔存在陣容不整嘅問題，不過大家咪忘記，曼城作客表現遠不及主場，近6場作客聯賽只係贏過1次咁大把，贏嗰場仲要係贏魚腩韋根添，當中仲有3場係零入球，之後對愛華頓仲要輸埋，今鋪憑咩搞掂同「拖肥糖」一樣咁韌嘅維拉先？




另邊廂嘅維拉都唔係好o架喇，領隊麥利殊仲傳聞可能會被炒魷，不過維拉自從借用羅比堅尼之後，鋒力返晒嚟，羅比仔仲帶挈埋「戴賓」翻生，佢兩個近5仗加埋就入咗7球，有呢個「羅賓」拍檔配合尼索比亞、柏杜夫等好波之人，威力絕對唔可以睇小！今鋪主場有得受讓，值得支持！


橫數千軍


曼城作客腳軟




‧近6次聯賽作客得1勝2和3負。

‧暫時係憑角球入波最多嘅英超球隊（11球）。

阿士東維拉對賽麻麻

‧近6次英超交手得1勝1和4負。

‧若今場不勝，將創球會在英超主場不勝紀錄（7場）。

頂占筍盤頂占筍盤：維拉（讓球主勝）