AC伊巴謙停3場 烏甸食住上

猪拉多纳

11/02/2012
文： 自由恒

唔少人都認為班霸級球隊低潮期會好快過，但其實一樣可以衰開有條路，就算係「地上最強」嘅巴塞隆拿，都因為飽受傷兵問題困擾，搞到連續5場唔贏盤，至於意甲近期最當黑嘅，當然係連續3場不勝嘅AC米蘭。


烏甸聯賽主場11戰10勝


事實上，AC米蘭今季一直都養住成班十字軍，捱到歐聯淘汰賽重開之前先至崩潰，都算佢哋唔好彩，不過最慘始終係射手伊巴謙莫域上周鹵莽領紅，由今仗起聯賽要坐3場波監，中場雲邦美亦儲夠黃牌要停賽，今晚意甲造訪主場王烏甸尼斯，要由長期缺態嘅羅賓奴夥拍新仔艾沙拉維攻堅，根本就畀唔到人信心。




主隊嘅烏甸尼斯雖然下周中都要應付對PAOK嘅歐霸盃淘汰賽，但賽事重要性有限，相信佢哋現階段都會以聯賽行先，特別係榜首嘅祖雲達斯同AC米蘭近期都接連失分，緊隨其後嘅烏甸要從後趕上亦非天方夜譚。




況且佢哋主場出擊一直係信心保證，單計聯賽就取得10勝1和不敗佳績，平手盤唔撐佢哋根本就係違反數據。（有線633及660周日凌晨1:00直播）


橫數千軍


 烏甸旺大及入球單




‧連續7場比賽開大及單。

‧近3次主場迎AC獲2勝1和。

 AC米蘭半場硬淨

‧近16場未試過半場落後。

‧近2場聯賽都交白卷。

足球重心：烏甸尼斯（平手）

馬膽推介：8場3 勁力

上仗轉戰泥地1200米即以輕鬆姿態擊敗「馬之王」，第3名嘅「飛躍之駒」再出都幾乎補中，就知「勁力」上場唔簡單，高廐新勝馬匹例必連珠炮發，再戰同程一定要跟。