「黑貓」頂得住兵工廠

猪拉多纳

11/02/2012
文： 力奇

今晚英超有場名帥大戰，由奧尼爾領軍嘅新特蘭主場迎擊由雲格統領嘅阿仙奴。黑貓喺奧尼爾手下惡過老虎，近13場贏咗8場，今晚佢哋喺地頭光明球場出戰受讓，可以立於不敗之地，1.73倍「讓球主勝」抵玩！（有線200、300及廣東體育周六晚11:00直播）


近13場8勝3和僅2負


「黑貓」自從換上奧尼爾執教後，表現脫胎換骨，近13戰取得8勝3和2負佳績，周中佢哋喺足總盃同米杜士堡激戰120分鐘險勝2:1晉級，隊波夠韌力抵讚之餘，士氣更係極之高漲。要知道呢位前維拉主帥一向係有料之人，限米煮限飯一樣可以煮出好菜式，何況黑貓陣容實力根本唔算曳，如果保持得到近排走勢，挑戰歐洲賽資格都唔係大貪。




人腳方面，對米堡絕殺入波後受傷嘅貝寧國腳施斯隆，據報有望趕及傷愈擔正，防線繼續畀到力奇信心。至於前鋒賓特拿雖然因為合約問題唔可以倒戈兵工廠，但前曼聯小將費沙甘保自復出以嚟腳風唔錯，都會畀到兵工廠防線威脅。




阿仙奴呢邊，上仗狂數布力般7:1係威係勢，但查實佢哋再對上4場只得1勝1和2負。更令力奇擔心係佢哋個作客戰績，近5場英超客戰只得1勝1和3負，根本完全信唔過，即使佢哋今仗有沙格拿及時復出踢番右閘，路斯基又會取代艾朗藍斯擔正校炮，睇落都讓唔起波囉！