拜仁史上最強 德盃冤家格食格

猪拉多纳

08/02/2012
文： 蘇斯黑柴

今晚德國盃續演三場八強戰，重頭戲當然係史特加主場對拜仁慕尼黑呢場南方打吡，拜仁一向係史特加剋星，尤其德國盃，兩軍歷史上八度交鋒，拜仁無論主客都取得全勝，近五次交手更每場最少贏三球或以上，有強勁數據支持，加上史特加近況曳，黑柴推介2.15倍拜仁「讓球客勝」。（無綫翡翠台周四凌晨3時30分直播）


拜仁近況一般，黑柴亦開始對老帥軒歷基斯感到失望，為令陣中大牌球員冇怨言，佢堅持將所有攻擊主力派任正選，搞到擅踢進攻中場嘅卻奧斯經常要踢唔適合位置，而且一旦形勢唔樂觀，後備席上亦欠缺夠卡士球員調用，上仗聯賽作客漢堡，佢仲力排眾議搵防中泰摩斯卓克踢右閘，搞到佢變失分罪人。


不過今仗右閘拿菲爾復出，加上右翼洛賓因為剛做第三任父親分心，今場任後備，令卻奧斯可以踢番佢最擅長嘅進攻中場位置，球隊戰鬥力相信會更強。軒歷基斯同隊長拿姆賽前都聲言要以今仗為復甦轉捩點，爭勝決心唔使懷疑。

拜仁例數史特加

拜仁近期經常失分，都係衰喺啲防守嚴密嘅對手身上，但史特加就完全唔係嗰回事，佢哋嘅少帥拉巴迪亞之前教利華古遜同漢堡都咁失敗，皆因本身材料有限又唔肯下苦功研究對手，淨係一味識進攻，呢種亡命踢法啱晒拜仁胃口。


拉巴迪亞執教史特加後四次遇上拜仁全敗共失十五球，球隊近況亦低迷，已經七場聯賽未贏過，睇埋今仗陣容更可笑，拉巴迪亞將卡卡奧、伊比斯域、岡崎慎司同夏歷四個前鋒全列正選，面對班霸拜仁搶攻盞死得更快。

拜仁德盃全炒史特加

球季 戰果

10/11 史負3:6

08/09 史負1:5

04/05 拜勝3:0

98/99 拜勝3:0

97/98 拜勝3:0

拜仁近屆8強全大

球季 戰果

10/11 客勝亞琛4:0

09/10 主勝格雷特霍夫6:2

08/09 客負利華古遜2:4