黑池贏卡士抵「錫」

猪拉多纳

07/02/2012
文： 朱楓

今晚英格蘭足總盃上演第4圈重賽，錫周三會喺主場迎戰黑池。兩隊近況旗鼓相當，不過黑池始終質素高啲，加上老將菲臘斯呢期弗爆，受讓梗係捧1.53倍「讓球客勝」！（now671及672台周三凌晨3:45直播）




菲臘斯當旺食住錫周三




英甲錫周三上次作客黑池本來形勢大好，點知臨天光瀨尿，畀對手追平1:1完場。其實綽號「貓頭鷹」嘅錫周三今季表現真係唔錯，日前主場反勝伊奧維後仲已經上埋第二，下季好大機會升上英冠。




不過講到底，英甲嘅錫周三始終同英冠嘅黑池差一級，雖然客軍講明會以升上英超為首要目標，不過呢支擅長踢進攻足球嘅球隊，勝在後備兵源充裕，兼且都好有卡士，至勁梗係射手菲臘斯，無疑呢位前歐洲金靴獎得主今年已經38歲，但卻連續3場入波，包括上次主場對錫周三射入扳平一球，有呢個老將壓陣，試問黑池又點會驚錫周三？