燕豪芬再歎私房菜

猪拉多纳

05/02/2012
文： ComboKing

今晚阿King睇中場荷甲，燕豪芬作客荷華高斯贏波機會大。燕軍本季大勇，歇冬後射手馬達夫斯、梅頓斯腳風大順，面對「私房菜」荷華高斯冇甩拖。荷軍近五次主場迎戰燕軍全敗之餘，仲有四次輸○比二，如嫌客W1.62倍冇肉食，可直取「2:0」波膽！




（now 639周日晚9時30分直播）




燕豪芬近期表現不俗，歇冬後首仗逼和烏德勒支後，繼而於聯賽及荷蘭盃擊敗維迪斯同奈梅亨，一共轟入六球，兩名鋒將馬達夫斯同梅頓斯分別攻入兩粒，狀態托弗。現時燕豪芬雖處榜首，但只領先次席川迪兩分，唔使懷疑佢哋爭勝意欲。荷華高斯近況亦唔曳，但球隊鬥親燕豪芬都冇運行，近六次對賽不但全敗，近五次主場交手輸晒之餘仲一球都入唔到，今仗難逃輸波厄運。




意甲方面瞄中巴勒莫，「傻豹」本季主場聯賽十戰八勝，比率高達八成，今晚又於自己地頭出擊鬥阿特蘭大，對手仲有首席射手丹尼斯停賽，此子本季包辦阿軍一半入波，冇埋佢球隊冇運行，要主W。




英冠諾定咸森林輸到慌，作客打比郡等劏，「綿羊」讓平半要上盤。




（now 638周日晚8時15分直播）