拜仁大好過W

猪拉多纳

04/02/2012
文： 查理阿蛋

今晚德甲拜仁慕尼黑作客漢堡，客W1.38倍熱得交關，小妹就寧捧1.59倍入球大喇，皆因漢堡主場發揮一向唔差，適逢拜仁步入低潮，防線甩漏頻頻，主隊即使輸波都絕對有力破蛋o架！（有線61、64、201及204周日凌晨1:30直播）


近5仗作客失10球


季初係威係勢嘅拜仁慕尼黑，被多蒙特及史浩克04迎頭趕上，同條防線突然穿窿不無關係，佢哋近5仗作客勁失10球，守將雲拜頓長抖之餘，門神紐亞上仗更犯下低級錯誤累球隊輸波，似乎未必讓得起。反觀漢堡有「主場王」荷西古里路，呢位秘魯射手今季開齋後最近5戰主場都有波入，佢同柏歷齊齊攻堅絕對有望撕破客軍防線。




拜仁飛翼列貝利因背傷上陣成疑，但係賽前佢不忘鼓勵隊友：「只要我哋提升表現，就有機會實現三冠王夢想！」雖然拜仁近期防守不穩，然而攻擊力依然冠絕德甲，洛賓、舒韋恩史迪加及馬里奧高美斯等都可以上陣，今次同漢堡合演入球騷應該冇甩拖喇！


橫數千軍


漢堡近10場聯賽和6次




‧近10場聯賽有6場和波。




‧荷西古里路連續5仗主場聯賽入波。

拜仁作客專開大

‧近5場作客聯賽全開入球大。

‧近9場聯賽有7場射入2球或以上。