廠仔布力般再做「大」龍鳳

猪拉多纳

04/02/2012
文： 阿占

英超呢排又大開快車，周四凌晨先踢完嘅阿仙奴，今晚早場又再出擊迎戰布力般流浪。阿仙奴依家努力爭入前四、布力般亦要為護級搏命，兩隊都冇乜失分本錢，今場好大機會玩鬥攻。既然首循環兩隊已合演過一場入7球嘅「大」騷，今鋪一於再博1.5倍入球大！（有線200及300、廣東體育周六晚9:00直播）


首循環交手勁入7球


阿仙奴近期聯賽表現曳，好在今場有唔少傷兵復出，最緊要係基蘭基比斯同沙格拿呢對左右閘在陣，有番兩個正宗閘位球員，雲格都話連主場都會順暢好多，咁尹佩斯嘅供應亦會大大增加，入波唔成問題。




當然，兵工廠嘅防守始終畀唔到人信心，尤其防守死球方面經常出事，偏偏今場對手布力般就有耶高保、尼桑斯幾支大杉喺度鬥衝。季初耶高保就撞入過阿仙奴兩個波，幫布力般主場贏4:3，呢位仁兄今場絕對係廠仔後防嘅心腹大患。


布力般放走兩後防大將


其實布力般進攻能力唔差，今季聯賽所有作客賽事都入到波，不過佢哋防守同樣唔多穩，隨時仲大劑過阿仙奴，加上近期放走埋賴恩尼爾遜同基斯杜化森巴兩大後防，今晚對住阿仙奴條強大鋒線，想失少球都唔係咁易。


頂占筍盤：阿仙奴（入球大）


有線球彩台主持阿占




電郵：soccer64@cabletv.com.hk

PHONE波熱線：1831 678

「超級星期六」開放時間：周六晚10:00至周日凌晨3:30