尼斯殘陣益阿些斯奧

猪拉多纳

04/02/2012
文： 笛子波童

法甲係受非國盃影響嘅重災區，其中尼斯四名主力所屬國家隊全部打入八強，換句話講尼斯今周依然未能夫添出戰。阿些斯奧歇冬後狀態全面冒升，乘對手殘陣兼兵疲，有主場之利可望再下一城，主Ｗ有2.25倍值得支持。




（周日凌晨2時開賽）


四將出戰非國盃


尼斯陣中一共有四名球員出戰非國盃，包括馬里中場戴亞傑迪、科特迪瓦中場卡方巴古尼巴利、加蓬前鋒莫隆古及中場萊特柏倫，最慘四人都係尼斯骨幹成員，所以球隊最近四場輸三場絕非偶然。除咗陣容不整，尼斯周中多踢一場法聯盃，體力上亦比對手輸蝕，況且作客一向唔係尼斯強項，今季十場聯賽只得兩和八負，集咁多不利條件於一身，今場想搶分真係唔容易。




阿些斯奧季初曾被視為降班膽，但隨着佢哋對上四場聯賽全取十二分，依家已經升至聯賽榜十五位。球隊歇冬後愈戰愈勇，連盃賽在內近四場取得三勝一和，新加盟嘅巴西前鋒伊度亞度山度士火速融入球隊，連續兩場聯賽有士哥，更添爭勝信心，今場一於捧主Ｗ。