傷疲交煎巴塞捱細界

猪拉多纳

04/02/2012
文： 法比加輝

西甲戰線，巴塞隆拿主場對皇家蘇斯達，「地上最強」巴塞近期飽受傷兵問題困擾，人腳緊拙，一班球員疲於奔命踢到殘，強如美斯都頂唔順，搞到連番失準，今次就算贏到皇家蘇斯達，估計都係小勝居多，入球大細中位數去到3.5球，梗係要入球細！




（now 632周日清晨5時直播）




巴塞雖然係「地上最強」，亦都係血肉之軀，球隊陷入近年罕見傷兵潮，教練哥迪奧拿經常只有十五六名一線球員可用，更依賴美斯獨自搵食，令佢百上加斤。呢位球王開始到頂，上輪聯賽多次浪費入波機會，導致巴塞只能同維拉利爾互交白卷，周中西班牙盃更連十二碼都射唔入。


蘇斯達遇強鮮大敗


蘇斯達近況唔錯，上月中作客擊敗華倫，而且首循環同巴塞打和，以及僅負皇馬○比一，可見佢哋唔怕強隊。雖然近六次作客巴塞都輸波，但要留意三次輸○比一，一次輸一比二，所以今場入球大細中位數3.5球，細盤值博。