法林明高內訌益晒普托斯

猪拉多纳

01/02/2012
文： 力奇

巴甲勁旅法林明高近排立立亂，主帥盧森保高同朗拿甸奴反晒面，佢哋喺自由盃外圍賽首回合作客玻利維亞皇家普托斯輸1:2，次回合唔易翻身！法林明高「-2」，我捧2.35倍「讓球客勝」。（開賽時間：周四早上8:00）




計牌面，巴甲前列分子法林明高對住玻利維亞球隊，點會唔夠砌吖，首回合輸波，個個都認為係同皇家普托斯主場係喺4,000米超高海拔有關，力奇認同，但法林最大嘅問題，其實係班波內訌至真。




事實上，日前就再有消息傳出，盧森保高同朗拿甸奴嘅鬥爭，球會董事局已經決定撐細哨，預計好快就踢走前巴西國家隊主帥盧森保高。至於話細哨雖然係贏家，但佢畀球會拖糧一事，又係仲未找清條數。




冇錯，法林明高啱啱由莫斯科中央陸軍簽入星級前鋒路夫，不過呢位回流球星仲未夠狀態落場，單靠原有陣容加埋不穩軍心，想贏挾住3連勝而臨、一心諗住守死法林明高晉級嘅皇家普托斯，你估講咁易咩！