|
|
01/02/2012
文： 樂比堅尼
周四凌晨英超繼續開快車，保頓主場對阿仙奴，一睇就知係開大格。保頓今季大踢性感足球，前面入得後面失得，阿仙奴近況亦唔錯，周日足總盃反勝阿士東維拉三比二，射手尹佩斯連續三場有士哥，樂比仔一於追大盤！（有線200及300台周四凌晨4時直播）
保頓踏入一二年表現有起色，六戰取得四勝一和一負，只係輸過畀曼聯，最近一鼓作氣連贏三場，球員狀態谷起晒，如果從大細盤路睇，保頓近六仗有五場開大，可見保頓踏入新一年踢法更加進取，就算贏唔到都有波入，今仗主場出戰阿仙奴，預計會同對手鬥攻。
保頓失球冠英超
事實上，保頓踢法相當進取，係典型開大球隊，睇番積分表，未計昨晚賽事，保頓係目前英超失波最多球隊，二十二場失四十七球，而入球數字尚算不俗，排英超第十，以一支護級球隊嚟講，呢個入球量已相當不俗。
阿仙奴連輸兩場後，周日足總盃終於反彈，於半場落後兩球劣勢下反勝維拉三比二，成隊波可謂士氣大振。其實阿仙奴前線一向踢得幾順，尹佩斯近三仗入四球，加上禾確特都有料到，相信阿仙奴要攻破保頓脆弱防線一啲都唔難，既然兩隊都有入波能力，今場一於捧大盤。
近五對賽開20點大
保頓及阿仙奴近年碰頭經常出現大手交易，如以中位數2.5球計，雙方近五次對賽全部開大，共炮製二十個入球。阿仙奴對賽往績上佔壓倒性優勢，連盃賽在內近十次取得九勝一負，不過唯一一次輸波就係對上一次造訪銳步球場輸一比二。
兩軍近10次交手成績
球季 賽事 戰果
11/12 英聯盃 阿勝2:1
英超 阿勝3:0
10/11 英超 保勝2:1
英超 阿勝4:1
09/10 英超 阿勝4:2
英超 保負0:2
08/09 英超 阿勝1:0
英超 保負1:3
07/08 英超 保負2:3
英超 阿勝2:0
|
|
金睛卡
发表于 2012-2-1 11:18
变色卡
显身卡