史浩克缺態讓車馬咪亂捧

猪拉多纳

21/01/2012
文： 阿占

經過超過一個月嘅歇冬後，德甲終於重開。喺呢段期間，相信每隊都會趁機修正或者重整旗鼓，另一方面就係評估嚟緊下半季表現，設定目標。好似歇冬前氣勢如虹嘅史浩克，近期就受到唔少壞消息打擊，中場鍾斯因暴力行為畀足總重罰停賽8個禮拜，扭計前鋒法芬又唔出得，今晚迎戰史特加未必有甜頭，阿占決定撐2.05倍「讓客」。（有線61及64周六晚10:30直播）


史特加以守為先要「讓客」


史浩克歇冬前連贏3場聯賽，休季期間亦有唔少動作，包括同後衞祖爾麥迪比續約，又扑錘下季簽入慕遜加柏中場紐斯泰達，仲成功向賀芬咸借用前鋒奧巴斯。但史浩克亦受到唔少打擊，好似鍾斯因為之前惡意侵犯對手，畀德國足總重罰停賽8個禮拜，今場開始正式服刑。加上一直唔肯續約嘅秘魯翼鋒法芬又受傷，大大削弱球隊戰鬥能力。而且論到近況，史浩克啱啱先喺多哈同艾薩德踢咗場熱身賽輸1:2，似乎狀態麻麻。




作客嘅史特加上半季雖然踢得唔好，不過本身班底唔曳，卡卡奧、古斯曼奴域、泰斯治、保拿奴斯等都係身經百戰球員，何況佢哋繼日本前鋒岡崎慎司後，歇冬期間又簽多個日本新星酒井高德，大把人用。教頭拉巴迪亞都知呢場作客難踢，預計會排出防守性陣容，一於以穩為先。睇嚟要頂住狀態一般嘅史浩克並唔係問題，「讓客」抵捧。


頂占筍盤：史特加 讓球客勝


有線球彩台主持阿占




電郵：soccer64@cabletv.com.hk




PHONE波熱線：1831 678

「超級星期六」開放時間：周六晚10:00至周日凌晨3:30