馬體會大騷慶龍年

猪拉多纳

21/01/2012
文： 山度士

龍年將至，度士在此先同大家拜個早年，祝球迷們龍精虎猛、腳腳七注！個人認為過年最佳節目梗係睇波啦，香港時間年廿九凌晨有皇家蘇斯達對馬德里體育會，馬體會新帥施蒙尼上任後，講明要將球隊幻化成一支華麗攻擊部隊，用入球去娛樂球迷，今場作客蘇斯達，相信都會大演入球騷。（now 632周日凌晨3時直播）




其實度士一向以來都幾鍾意馬體會呢班波，事關佢哋季初大換血後，班底認真唔曳，前線有法卡奧、阿達杜蘭、迪亞高及新星阿祖安盧比斯等。


新帥施蒙尼下令搶攻


事實上，馬體會上場已經踢出火力，憑法卡奧梅開二度及迪亞高埋齋，以三比○大勝維拉利爾，球隊能夠射入三球，正正因為施蒙尼改變咗部署，踢類似巴塞嘅四三三模式搶入球。至於主隊皇家蘇斯達亦唔會坐以待斃，多少因為主場係佢哋搶分良機，蘇斯達近四次主場三勝一和，成績理想，估計今場都會同馬體會鬥攻爭三分，度士認為兩軍進攻欲望咁高，一於揀大盤。




前香港足球先生，畀料同佢做人一樣，百足咁多爪，對唔同聯賽都有興趣。教波同貼波，一樣做阿哥。