保頓發憤做紅軍細界

猪拉多纳

21/01/2012
文： 張志德

龍年即將來臨，細鬼喺度同各位讀者拜個早年，祝大家新一年身體健康、賭運亨通！英超保頓亦需要得到祝福，依家佢哋排聯賽尾二，護級形勢水深火熱，周日凌晨主場鬥利物浦，細鬼認為有得打，紅軍攻力欠銳作客讓波咪搞，今場不如博個細盤好過。（有線200及300台周日凌晨1時30分直播）




其實今戰多數人會睇好紅軍，論實力利物浦的確較高，但呢班波一向只打老虎，周時劫富濟貧，你睇好佢哋贏波有時贏唔到仲輸埋；睇死佢哋咩？紅軍就龍精虎猛踢到曉飛，相信大家都好清楚紅軍特性。今場鬥保頓受眾人睇好，利物浦分分鐘又會跣你鑊甘。


利物浦五行欠火


紅軍最大問題係欠缺攻力，蘇亞雷斯仍坐緊波監，球隊將繼續依靠安祖卡路爾、古積特等攻堅，但無論用邊個都畀唔到球迷信心。比拿美表現係好，但始終係老將，周時踢唔足九十分鐘。睇番紅軍本季作客弱旅如韋根、富咸、西布朗、愛華頓、史篤城，當中只贏兩場，但就全數開細，今次相信都唔會例外。




本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。