蝙蝠打吡利雲特大爆發

猪拉多纳

19/01/2012
文： ComboKing

今日除咗意大利盃之外，仲有其他三場盃賽，分別係西班牙盃、荷蘭盃同埋葡萄牙聯賽盃，阿King最有信心係華倫西亞對利雲特開大，呢場係西班牙盃八強戰首回合，亦係「蝙蝠打吡」，向來做慣細佬嘅利雲特難得今季表現咁好，一定想威番鋪，兩隊打甩髀，建議捧大盤。（周五凌晨４時30分開賽）


士砵亭靠盃賽發圍


利雲特今季可以話踢出近期代表作，目前排西甲第四位，僅落後第三嘅華倫西亞四分，如果聯賽排名高過華倫固然係好，若然連盃賽都可淘汰華倫，咁利雲特就真係光宗耀祖喇！不過華倫亦唔係善男信女，今場肯定有好戲睇，捧大盤就最啱數！




葡萄牙聯賽盃方面就揀士砵亭「讓球主勝」，大家都知葡萄牙波係波圖、賓菲加、布拉加同埋士砵亭玩晒，聯賽唔到士砵亭爭，惟有靠盃賽發圍，今仗主場對甲組嘅摩里倫斯，贏兩粒難度唔大，捧「讓球主勝」。




最後一場荷蘭盃，阿積士對阿爾克馬爾又係揀大盤，兩隊攻力都出名強，以往交手例牌多波入，今季聯賽就打成二比二，今場一於捧大盤！