莫帥誓破衞冕魔咒

猪拉多纳

18/01/2012


西班牙盃向來唔利皇家馬德里，自一九○二年起，皇馬只贏過十八次，奪盃次數比另一傳統勁旅畢爾包仲少。直到莫連奴上任後，皇馬終成功打破多年「西盃荒」，自九三年後再次成為盃賽冠軍，皇馬今季當然希望衞冕，但將要面對另一魔咒！


衞冕球隊入決賽都難


原來自九七及九八年，巴塞連贏兩屆西盃後，之後未有球隊能成功衞冕，最恐怖係衞冕球隊連翌屆決賽都入唔到，強如「地上最強」巴塞在○九年奪冠後，翌屆就在十六強被西維爾踢出局，皇馬今季咁早階段就遇到死敵巴塞，衞冕路途顯得難上加難。不過，牙擦教頭莫連奴曾經講過，數據紀錄係歷史，自己只會向前看。