QPR殘兵重賽難得「米」

猪拉多纳

17/01/2012
文： 力奇

英格蘭足總盃第3圈重賽今晚焦點戰昆士柏流浪（QPR）主場對米爾頓凱恩斯，主隊啱啱換上新帥曉士領軍，即刻喺英超輸波，聯賽護級壓力大增，今晚有幾搏都難講？再者，要佢哋3日踢2場又係攞命，反觀客隊上周末聯賽因場地問題改期，以逸待勞兼狀態好，受讓出戰，1.92倍「讓球客勝」穩陣啦！（now670台及廣東體育周三凌晨4:00直播）


昆士柏祖爾巴頓繼續停賽


前晚作客紐卡素輸0:1，QPR喺聯賽續居尾3，對新帥曉士嚟講咪話唔掃興。球隊搵佢返嚟，首要目標梗係保住個英超席位，家陣護級壓力咁大，足總盃相對反而唔算重要，今晚會唔會派「夫添」出擊？尋晚曉士就話會有幾個位置變動嘞！


米爾頓凱恩斯12戰僅1敗


再者，其實曉士手上籌碼亦唔算多，中場扭波王泰拉拔同守將阿曼特查奧爾都已經被國家隊徵召去踢非國盃，隊長防中祖爾巴頓又繼續停賽，加埋阿根廷兵艾真度科連膝傷提早收咧，殘陣出擊，想結束連續10場不勝反彈，你估真係講咁易咩！




客隊米爾頓凱恩斯方面，原定上周末舉行嘅英甲大戰對卡素爾，因為佢哋個主場結冰宣布延期。成班波無情情抖多幾日，相對疲兵再戰嘅QPR，體力即時變成一大優勢。當然，講實力踢緊英甲嘅米爾頓凱恩斯，點都唔及主隊，但出色狀態卻有力彌補一切。睇番佢哋自從10月底起，近12場波就取得9勝2和1負，今仗力奇唔貪心，只求佢法定時間唔輸，之後晉唔晉到級，關我鬼事咩！


英、蘇足總盃賽制：


英格蘭足總盃為第3圈重賽，蘇格蘭足總盃則為第4圈重賽，以一場過分勝負，若法定時間內打成平手，則需加時作賽，再和則互射12碼決勝。