博洛尼亞班兵失敗聽炒

猪拉多纳

16/01/2012
文： 走肖

今晚場意甲電視冇直播，的確掃興啲，但拿玻里喺主場對博洛尼亞，投X角度睇依然值得吼實撐1.85倍「讓球主勝」，因為拿玻里前線火力強到冇人有，連續10場入波兼勁入25球，對家博洛尼亞搵救兵失敗，目標卡斯泰亞奴斯被利物浦截劫，增兵唔成聽冇運行。（開賽時間：周二凌晨3:45）


博洛作客交手輸慣


雖然拿玻里新簽嘅智利足球先生伊度亞度華加斯，上星期喺意大利盃登場冇料到，正選上陣半場即刻被換走，不過彭迪夫後備落場就繼續發威，個人連續3場入波帶挈拿玻里以2:1反勝切塞納晉級，證明就算拿維斯養傷，拿玻里前線爭位情況依然嚴重，近10場平均每場入2.5球惡到得人驚。




另一方面，博洛尼亞近期表現算稍有起色，上星期主場以2:0砌低卡坦尼亞值得拍掌，問題係佢哋未解除降班威脅，原本想借用國際米蘭前鋒卡斯泰亞奴斯嘅計劃，又因為利物浦介入搶人唔成事，加上博洛尼亞近5次作客拿玻里得1和4負，往績輸蝕更加易出事，唔值得冒險冷敲。