阿特蘭大翻轉拉素

猪拉多纳

15/01/2012
文： 巨高

周日意甲早場為拉素主場對阿特蘭大。今季首都球隊拉素能夠打入前列，主要原因係作客成績優異，得分率比主場更加高。今次拉素喺主場迎敵，反覺得唔作客咁穩陣，仲要讓波就唔樂觀。留意到阿特蘭大未有受假波醜聞所影響，升班後表現令人滿意，今場受讓可捧「讓球客勝」。




（now 633及660周日晚7時30分直播）




拉素近兩次聯賽主場都失分，表現的確令人失望，再加上周中喺意大利盃與維羅納鍊得好盡，擔心球員體力未必可及時回復正常水平，要贏阿特蘭大有難度。


邊緣國腳爭上位鬥志佳


其實阿特蘭大今季表現唔曳，如果唔係球員因造假而扣六分在先，球隊已經殺到入積分榜頭十位，仲有一點要留意，阿特蘭大有唔少邊緣國腳，比如施加連尼及阿根廷裔翼鋒艾斯基舒希洛圖，兩位異口同聲表示想代表意大利出戰歐國盃，未來半季肯定會獻出所有博取意國領隊柏蘭迪利歡心，鬥志鮮明值得留意。