聖日耳門舊部唔妥肥安要反

猪拉多纳

14/01/2012
文： 走肖

有錢係咪大晒？有時又未必喎！巴黎聖日耳門今晚喺法甲主場對圖盧茲，未必開到熱W。事關聖日耳門喺冬季轉會市場重開後，增兵行動連番受挫，加上新教練安察洛堤密謀打造「肥安親衞隊」，士氣插水失分唔出奇，冷敲2.45倍「讓球客勝」隨時有驚喜！（廣東體育周日凌晨4:00直播）


圖盧茲往績唔輸蝕


原本聖日耳門話要簽36歲嘅碧咸做生招牌，已經搞到旗下好多球員反感，跟住傳媒又話佢哋想買柏圖、卡卡、馬隆達同阿歷士洛里高，全部係新教練安察洛堤以往執教AC米蘭同車路士嘅舊部隊，即係話，肥安一心諗住重用自己用開嘅球員，試問聖日耳門球員聽到，有幾多個肯為佢賣命先？




再講，轉會市場重開咁耐，暫時聖日耳門只係簽咗巴塞隆拿左閘麥士維，對提升實力冇咩幫助，假如聖日耳門陣中出現「反肥安」情緒，戰績好可能不升反跌。另一方面，圖盧茲對賽往績唔輸得晒，近5次造訪巴黎有3和2負，當中兩次輸波都只係以1球差距飲恨，唔係冇得打，呢場有可能偷到雞搶分。