Pinky X JoJo玩轉另類打吡

猪拉多纳

08/01/2012


足總盃曼市打吡戰全城熱爆，「球愛敢死隊」專程派出名家法比加輝，聯同前香港隊門將高志超，以及兩名now觀星台主播Pinky（羅沛琪）與JoJo（陳瑋儀），去到阿仙奴（香港）足球學校主場作一個賽前小預測。結果代表曼聯嘅Pinky在互射十二碼時氣走曼城JoJo，唔知紅魔今晚又係咪咁好彩呢。




化身曼聯小粉絲嘅Pinky，原來未做娛樂主播之前只係一名OL，日日過住啲死板生活，所以佢把心一橫，早前參加主播選拔賽並成功脫穎而出踩入主播界。Pinky本身主打報道娛樂猛料，但其實佢對體育資訊亦有一定認知，尤其係外國足球球星，好似碧咸同C朗呢啲帥哥，又點會唔認得！


高Sir「雞精班」惡補兩女


至於在美國讀書，對NBA瞭如指掌嘅JoJo，最鍾意就係Bad Boy球星，最Buy曼城「腦殘」巴洛迪利。




今次「球愛敢死隊」最特別之處，就係請來型男嘉賓高志超同我哋一齊「球愛」！已經成為阿仙奴（香港）足球學校教練嘅高Sir，今次唔單只落場撲十二碼，佢仲親自教授兩位靚主播點樣射波，兩位靚女上完「雞精班」之後都話高Sir掂檔。