阿仙奴主戰昆士柏冇留手

猪拉多纳

31/12/2011
文： 查理阿蛋

英超前列球隊排名瞬息萬變，隊隊都有海鮮味，阿仙奴係比較唔穩定嘅其中一隊，不過今晚「槍手」喺主場迎戰對親強隊都甩轆嘅昆士柏流浪，小妹相信佢哋會血洗「女王公園」出番啖氣，可以放心捧1.6倍「讓球主勝」。（有線201及301周六晚11:00直播）




今仗嘅焦點，必數謝雲奴重遇祖爾巴頓！阿仙奴開咧戰對紐卡素，初到貴境嘅謝雲奴遭當時仲踢緊「喜鵲」嘅「壞孩子」祖爾巴頓挑釁，結果處子戰就被逐。事隔數月，謝雲奴嘅髮型並冇改善，不過踢法就愈嚟愈成熟，先後响各項賽事為尹佩斯助攻達5次，即係話「廠長」每4個入球就有1球係源自謝雲奴！兩者至今合共交出24個入球及11次助攻，可以話係「兵工廠」嘅進攻靈魂，必定聯手向祖爾巴頓報番一「牌」之仇。


華美倫轉打左閘更有威脅


另一不得不提嘅必數近期轉打左閘嘅華美倫，呢位「帶刀侍衞」係阿仙奴防線嘅定海神針，喺對曼城嘅一仗，華美倫就喺劣勢中發揮過人膽識，多次壓前造出5次射門，威脅比起正牌前鋒查馬克及艾沙維更大。


昆士柏流浪對強隊冇運行


客軍昆士柏流浪至今鬥英超5強，除咗多得球證造就擊敗車路士之外，其餘4仗悉數敗於曼城、曼聯、熱刺及利物浦，攻擊力明顯未夠班，唔怪得一直傳佢哋對格流個前鋒謝拉域流晒口水，即使隊長祖爾巴頓啱啱榮升爸爸沖沖喜，睇嚟都係無補於事，今勻都要輸波過新年喇。


橫數千軍


阿仙奴開W靠尹佩斯




‧近4仗主場得1勝，全部開細。

‧今季主場戰若尹佩斯入波，阿仙奴必獲勝。

昆士柏近6戰不勝

‧近6仗未贏過，當中4戰開細。

‧除贏車路士之外，鬥Big6球隊悉數落敗。