車路士 維拉除夕開大騷

猪拉多纳

31/12/2011
文： 郭球奇

今晚除夕夜，想睇入球騷過快樂新年？就記住睇英超車路士主場對維拉！事關「藍戰士」已連續3場失分，為爭標今場肯定放手搶攻，至於維拉就有射手戴倫賓特復出，睇埋雙方近年喺史丹福橋交手都慣多波入，今場與其博車仔反彈贏兩粒開1.65倍「讓主」，倒不如玩1.52倍入球大仲實際！（有線200及300、廣東體育周六晚11:00直播）


傾巢而出力追曼市雙雄


矢志要重返爭標行列嘅車路士，聖誕新年快車期間表現不升反跌，連續3場被對手逼和1:1，已遠遠落後曼市雙雄11分，為保爭標一線希望，今晚主場出擊絕對不容有失。




上場對富咸，係車仔領隊保亞斯過去兩個月嚟首次派費蘭度托利斯擔正，可惜「王子」繼續唔爭氣，預期保亞斯今仗將會出番杜奧巴，桑馬達同史杜列治重組最強鐵三角，火力應該有所提升，尤其係「魔獸」1月就要離隊去幫科特迪瓦踢非國盃，嚟緊一定想幫車仔入多啲波搶分。


後防露缺口對賽入波多


不過郭球奇對「藍戰士」條防線就唔多有信心，始終佢哋近17場英超只得3場冇失波，今晚對住實力唔算太差嘅維拉，唔似可保清白身，更何況維拉賽前宣布射手戴倫賓特傷愈，好大機會可以復出。儘管維拉近5次作客對賽不勝，但就試過兩度後上逼和4:4同3:3，呢5場波更4度開大，與其驚車仔今場贏唔到兩粒，倒不如穩穩陣陣捧入球大好過！


車路士近5次主場對賽旺大


日期 戰果




11/01/02 車路士 3:3 阿士東維拉

10/03/27 車路士 7:1 阿士東維拉

08/10/05 車路士 2:0 阿士東維拉

日期 戰果

07/12/26 車路士 4:4 阿士東維拉

06/11/08 車路士 4:0 阿士東維拉

橫數千軍

車仔「林伯」專剋維拉

‧近9次對維拉獲6勝3和。

‧林柏特近2次英超主場對賽喪入5球。

維拉作客多失波

‧近8場作客得2場冇失波。

‧今季只得54次射門中目標，為英超第2少。