史篤城年尾斷窮根

猪拉多纳

31/12/2011
文： SAMVO肥叔

大戶上場反熱刺捧諾域治，諾域治受讓半一、半球、平半連買幾浸，非常狼死，結果輸到直！熱刺今季愈戰愈勇，佢哋放棄歐霸盃，一心爭歐聯入場券，以現時情況睇，呢個戰略都幾成功，今輪大軍作客對住史雲斯可望再添食。




講番今次重心推介，英超史篤城主場對韋根，捧主隊！史篤城主場演出向來硬淨，雖然今季要兼顧歐霸盃影響整體戰績，但主場威力仍在，早前曾經擊敗實力分子熱刺，反映球隊真係有料到。史篤城今次主場對韋根，目前讓緊半一，部分莊家開到讓一球，明顯對佢哋信心十足，絕對值得信賴。




（有線302及202台周六晚11時直播）


狼隊勢兇執到「保」


同日保頓主場對狼隊，要客隊！保頓今季踢落好曳，連主場出擊都冇晒把握，依家同布力般流浪係正宗難兄難弟，若然再冇改善，恐怕來季喺英冠再見。狼隊作客向來唔多掂，但呢班波上場能夠頂住阿仙奴，反映球員狀態好好，加上依家士氣如虹，乘勇再戰可保不敗，受讓平半必捧下盤。




（有線303及203台周六晚11時直播）