阿德萊德聯反彈良機

猪拉多纳

30/12/2011
文： 立民

曾幾何時，小弟都做過馬會足智彩嘅市場推廣工作，係「賭波規範化」初期。如果冇記錯，第一場受注嘅賽事係德甲賽事拜仁慕尼黑對法蘭克福，當時投X項目好有限，唔似依家有咁多瓣數揀。家吓連澳職都有得玩，今日推介係阿德萊德聯主勝。（有線64及204台周五下午５時直播）




仲記得最過癮Sale「6寶半全場」，係第一個彩池玩法，嗰時為咗增加吸引力，重錘出一百萬多寶獎金，投X額更加超過一千萬，諗起都幾開心。有朋友好奇，當年以為我喺馬會做，就一定知道點開盤，更甚者以為我有指定場次嘅內幕貼士。對唔住，肯定冇！馬會一向分工清晰，加上有嚴謹嘅風險管理，經過多年運作，足智彩場次由初期嘅十幾場，發展到依家一晚幾十場，只集中喺某啲場次勝出，根本唔合理。


高斯米拿回巢「白武士」


今季嘅澳職的確難玩！阿德萊德聯季初甩拖，賽績極差，故此高斯米拿做咗白武士，重新執教球隊。佢首先轉由老牌國腳加利高域做隊長，直接振奮更衣室士氣。上場佢哋對FC悉尼已有進步，最後2比2打和確實唔抵。




「阿聯」隨住傷病嘅球員陸續復出，今日主場迎戰今季作客只得2和3負、5場只入3球嘅威靈頓鳳凰，係爭取自十一月中以來首場勝仗嘅黃金良機。




立民在足球傳媒達十年，在香港中文大學畢業後加入有線體育台，曾參與過有線「2000歐洲國家盃」及「2002有線世界盃嘉年華」節目的資料搜集工作，也曾任職香港賽馬會足智彩市場拓展部。




2005年起，他進身幕前，曾任手機及網上足球頻道主持。2009年重歸有線，加入球彩台主持行列，主要參與「澳洲足球聯賽」、「英格蘭超級聯賽」、「歐洲聯賽冠軍盃」直播及「歐聯戰略館」等節目。

立民推介

阿德萊德聯 Vs 威靈頓鳳凰

主勝

phone波熱線：1831 678

電郵：soccer64@cabletv.com.hk

「球盤龍門陣」開放時間：晚上10:30至午夜12:00