教頭主將離隊在即 FC東京摘櫻花做禮

猪拉多纳

29/12/2011
文： 蘇豪

天皇盃準決賽展開，日職球隊大阪櫻花主場對FC東京，日乙「一哥」FC東京主帥大熊清教埋今季離任，主將今野泰幸盛傳亦會走，佢哋肯定想捧天皇盃留下美好回憶，受讓要「讓球客勝」。




(有線148台及now 711周四中午12時直播)




FC東京今季取得日乙冠軍，順利完成升班任務，主帥大熊清見好就收，教埋今季就會離開。另外，東京中後場重心今野泰幸成為日職勁旅大阪飛腳目標，成事機會極高，兩位重量級人物離隊在即，相信一眾隊員都想贏埋天皇盃歡送兩大功臣。


櫻花兩大援將已返國


另一邊廂大阪櫻花對上兩圈遇上仙台維加泰同清水心跳，結果同樣靠互射十二碼淘汰對手，過程拖泥帶水。櫻花兩大外援路爾斯馬天尼斯同法比奧盧比斯已離隊返國，人腳不整，面對日乙一哥FC東京難踢，讓波信唔過，一於要「讓球客勝」。