蘇超國家打吡些路迪開W做1「哥」

猪拉多纳

28/12/2011
文： 力奇

今晚蘇超擔大旗，焦點戰「國家打吡」些路迪主場大戰格拉斯哥流浪，些路迪近8場聯賽贏晒，對住狀態回落嘅格流，有權開1.85倍主勝！（now638台周四凌晨3:45直播）


格流後防主將停賽


些路迪季初表現反覆，11月5號嗰陣仲落後格流15分，當時格流前鋒謝拉域仲寸到話冠軍係囊中物添！之後些路迪知恥近乎勇，一口氣連贏8場聯賽勁入17球，依家只落後1分，狀態同士氣都夠晒保證。而且希臘射手森馬拉斯（右圖）近排翻生，上仗更省入2粒，拍檔加利賀柏腳風亦唔錯，鋒力靠得住o架。




對家流浪狀態持續下滑，最令人擔心係佢哋作客成績不濟，近3場客戰輸咗2場，咪忘記佢哋上仗有守將尼古拉哥恩領紅，今晚唔使預佢，條防線冇咗件大將，去到宿敵地頭點會有運行吖，隨時連個「1哥」位置都冇埋呀！