諾域治主場入得

猪拉多纳

27/12/2011
文： 笛子波童

英超專家樂比堅尼今日小登科，波童在此恭祝一對新人永結同心、連生貴子。樂比仔人逢喜事，周三凌晨英超諾域治主場鬥熱刺就由波童客串推介。熱刺今季最強殺着，加里夫巴利與艾朗連儂雙翼齊飛折咗一翼，雲達華治又新傷初愈，面對主場硬淨嘅諾域治有隱憂，今場揀「讓球主勝」。




（有線200及300台周三凌晨3時30分直播）


熱刺折翼難谷番起


熱刺今季成績大躍進，早前聯賽保持十一場不敗佳績，艾朗連儂及加里夫巴利呢對快翼絕對功不可沒，可惜艾朗連儂早前對新特蘭時受傷，今仗肯定缺陣，荷蘭中場雲達華治上仗鬥車仔亦因傷離場，雖有機會趕及復出，但狀態未必十足，勢必影響球隊進攻力量。球隊近三仗勝和負各一，包括作客一比二輸畀史篤城，與及主場一比一和車路士，僅能在主場一比○小勝新特蘭，狀態明顯回落，作客讓波擇使。




升班馬諾域治今季靠主場搶分，近六仗主場只輸過畀大勇阿仙奴，最抵讚係場場有入波，合共攻入十五球，上次主場四比二贏紐卡素更相當精彩。熱刺上次作客史篤城已吃盡苦頭，今次面對踢法接近嘅諾域治恐怕再有失分危機，波童捧諾域治「讓球主勝」。


諾熱近四次聯賽交手成績


球季 戰果




04/05 諾負0:2

熱和0:0

94/95 熱勝1:0

諾負0:2