紅軍出「力」送堅恩一程

猪拉多纳

26/12/2011
文： 查理阿蛋

今晚「拆禮物日」利物浦主場迎戰布力般流浪，1.58倍「讓球主勝」係小妹心水，一於等「紅軍」做聖誕老人炒起布力般，順便踢走領隊堅恩，當送番份聖誕禮物畀客軍球迷啦！（有線202及302周一晚11:00直播）




「紅軍」上仗雖悶和韋根，不過仍然控制戰局，老問題始終係把握力不足。幸好利物浦今仗回歸晏菲路，照例會踢高一班波，加上中場史比寧刑滿復出，將會進一步加強防守力及中場控制力，至於全面復操嘅「神奇隊長」謝拉特相信會先任後備，借今場波操弗狀態，論人腳絕對夠炒起傷兵滿營嘅布力般。


布力般傷兵滿營


布力般上場喺榜尾大戰不敵保頓跌落包尾，教頭堅恩到依家仲未被炒，小妹都覺得好意外，佢哋最慘係幾位有經驗嘅中堅史葛丹恩、賴恩尼爾遜及基維都受傷，門將羅賓遜又加入埋十字軍，後防形同虛設，「紅軍」要炒番碟魷魚畀堅恩食，又點會有難度？